Uitnodiging jubileumfeest Revue

50 joar Revue:

`n hoop wille en gekkighead woa`w geerne met mekaa op terugge kiekt. 

Mer ik heb dat in de vegang`n 50 joar nich allene doan. Hoe mooi zöl`t wean, da`k alle leu, dee d`r in dee joar`n drok met wann`n, nog`s moal bie mekaa kon krieg`n! Doarum neudig ik met dit schriem`n, geerne al disse leu oet. 

18 april lik mie doar nen mooi`n doatum veur. Bien`n Koll’nbraander, bie`t Kooltje ku`j d`r in. De köst`n bunt dree tientjes de man veur `n heel`n oamd borrel`n. Koll`nbraander kump ok vief keer veurbie met wat te snaai`n. 

17 april ku`j d`r nen Abraham too zett`n. Lik mie ok merakels! D`r heft d`r zich al ene meld. 

Ik zol zegg`n; kom d`r bie, proat bie, en heb`t good. Dan maakt vielleu d’r met mekaa, nen donders mooi`n oamd van!

Loat wa eam`n veur 1 april weet`n da`j d`r bie wilt wean, via diss’n link: https://mijnetickets.shop/hengeveldse-carnavals-en-revuevereniging-de-hoftemennekes/69a8132a29136

En mog ie nog kunnighead hebb`n, dee ok bie de revue hebt zött`n, Loat dee`t ok eam`n weet`n!

D`r is èèn ding wa`w zeker weet….

Wie loat `t zo?

Vielleu loat`t zo!

Groet`n Abraham

p.s. Niets begrepen van bovenstaande uitnodiging? Jan Assink geeft u graag een spoedcursus Twents.